काठमाडौँ । नेपाली काँग्रेसले उपसभामुख इन्दिरा राना मगर मुछिएको भिसा अन्तर्वार्ता सिफारिस विषयलाई संसदमा उठाएको छ ।
काँग्रेस संसद रामहरि खतिवडाले उपसभामुखले मानव तस्करी गर्ने नियतले सिफारिस गरिएको पत्र सार्वजनिक भएको भन्दै यस्तो अवस्थामा उपसभामुखले संसदको नेतृत्व गर्न मिल्छ की मिल्दैन भने प्रश्न उठेको बताउनुभयाे ।
उहाँले उपसभामुख राना मगरलाई राजीनामा दिएर छानबिनमा सहयोग गर्न आग्रह गर्दै यो विषयको अनुसन्धान हुनुपर्ने माग गर्नुभएकाे छ ।
उहाँले संसद र सभामुखलाई भिसाको कन्सल्टेन्सी बनाउन नमिल्ने बताउँदै उपसभामुखले राजीनामा दिनु नै उपयुक्त हुने बताउनुभयाे ।
प्रकाशित मिति : ६ श्रावण २०८१, आइतबार १ : ३३ बजे
प्रतिक्रिया