काठमाडौँ । बागमती प्रदेशमा नेपाली कांग्रेसले संसदीय दलका नेता बहादुर सिंह लामालाई मुख्यमन्त्री बनाउने निर्णय गरेको छ ।
आइतबार बसेको कांग्रेस बागमती प्रदेशको बैठकले सर्वसम्मत रुपमा संसदीय दलका नेता लामाको नेतृत्वमा प्रदेशमा सरकार बनाउने निर्णय गरेको हो ।
केन्द्रमा काँग्रेस र एमालेबीच नयाँ गठबन्धन बनेपछि बागमती प्रदेशमा कांग्रेसको नेतृत्वमा सरकार बनाउने सहमति भएको थियो ।
यसअघि असार २४ गते नेकपा एमालेले मख्यमन्त्री शालिकराम जम्कट्टेलको सरकारलाई दिएको सर्मथन फिर्ता लिदै सरकारबाट बाहिरिएपछि उहाँ अल्पमतमा हुनुहुन्छ र आज विश्वासको मत लिदै हुनुहुन्छ । ।
सरकार ढल्ने निश्चित रहेकाले कांग्रेसले मुख्यमन्त्रीमा लामालाई अगाडी सारेको हो ।
११० सदस्यीय प्रदेशसभामा नेपाली कांग्रेस र नेकपा एमालेको मात्रै ६४ मत रहेको छ । जुन बहुमतका लागि पर्याप्त रहेको छ । मुख्यमन्त्रीलाई विश्वासको मतका लागि ५६ मत आवश्यक पर्छ ।
प्रकाशित मिति : ६ श्रावण २०८१, आइतबार १ : ३३ बजे
प्रतिक्रिया