काठमाडौं – पछिल्लो २४ घण्टामा थप २ हजार ७७ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालय अनुसार गत २४ घण्टामा परीक्षण एन्टीजेन र पिसिआर गर्दा २ हजार ७७ जनामा कोरोना भाइरसको संक्रमण पुष्टि भएको हो । उक्त अवधिमा थप १ हजार ३३३ जना संक्रमित उपचार पश्चात निको भई घर फर्किसकेका छन् ।
हाल देशभर कोरोना भाइरसका सक्रिय संक्रमितहरुको संख्या २६ हजार ५४४ रहेको छ ।
पछिल्लो २४ घन्टामा कोरोना संक्रमणकै कारण थप २८ जनाको मृत्यु भएको छ । हालसम्म देशभर कुल ९ हजार २९१ जनाको कोरोनाबाट मृत्यु भइसकेको छ।
प्रकाशित मिति : २३ असार २०७८, बुधबार ४ : ४१ बजे
प्रतिक्रिया