काठमाडौं । निर्वाचन आयोगले जनता समाजवादी पार्टी ९जसपा० को विवाद निरुपण गर्न इजलास गठन गरेको छ ।
आयोग पदाधिकारीहरुको बुधबार बसेको बैठकले प्रमुख आयुक्त दिनेश थपलियाको नेतृत्वमा पाँच सदस्यीय इजलास गठन गरेको हो ।
आयोगले विवाद निरुपण गर्न सुनुवाईका लागि आगामी साउन ३ गते आइतबार दुबै पक्षलाई बोलाउने निर्णय गरेको छ । आयोगले यदि कानुन व्यवसायी राख्ने भए साथै ल्याउन पनि दुबैपक्षलाई भनेको छ ।
राजनीतिक दलसम्बन्धी ऐन २०७३ को दफा ४४ अनुसार जसका दुबै पक्षले आफुहरु नै आधिकारि भएको दाबी गरिरेहका छन् । ऐनअनुसार दुबै पक्षलाई बोलाएर सहमति जुटाउने प्रयास असफल भएपछि आयोगले सुनुवाइ प्रक्रिया सुरु गर्न इजलास नै गठन गरेको हो ।
लामो समयदेखि जनत समावादीका अध्यक्षद्वय महन्थ ठाकुर र उपेन्द्र यादव विभाजित छन् । उनीहरु दुबैले आफुलाई नै आधिकारीक भएको जिकिर गरिरहेका छन् ।
प्रकाशित मिति : २३ असार २०७८, बुधबार ३ : ०९ बजे
प्रतिक्रिया