धादिङ । पृथ्वी राजमार्ग अन्तर्गत धादिङको बेनीघाट रोराङ गाउँपालिका वडा नं १० मा खसेको पहिरोलेमा ट्रक पुरिदा दुई जनाको मृत्यु भएको छ भने पहिरोले चार वटा सवारी साधनमा क्षति पुगेको छ ।
पहिरोले क्षति पुर्याएको चार मध्ये ना ८ ख ४५४०ट्रक र ना ७ ख ३२० नम्बरको कन्टेनरको पहिचान खुलेको इलाका प्रहरी कार्यालय गजुरीले जनाएको छ ।
अन्य दुई वटा सवारी साधनको नम्बर खुलेको छैन ।
ना ८ ख ४५४० नम्बरको ट्रकमा रहेका चितवनको राप्ती नगरपालिका ६ बस्ने १८ वर्षीय वीरबल चेपाङ र ना ७ ख ३२० नम्बरको कन्टेनरमा सवार भारतकी ४३ वर्षीया सोनी देवीको मृत्यु भएको प्रहरीले जनाएको छ ।
राजमार्गमा पुरिएका सवारी साधन पहिरो रोकिएपछि खोजी गर्न सकिने प्रहरीको भनाइ छ । सडक अवरुद्ध हुँदा मालवाहक तथा यात्रुवाहक सवारीको लामो लाइन लागेको छ ।
पहिराले पृथ्वी राजमार्ग अन्तर्गत बेनीघाट रोराङ गाउँपालिकासहित गजुरी गाउँपालिका लगायतका सडक अवरुद्ध भएको छ ।
प्रकाशित मिति : १९ असार २०७८, शनिबार ११ : ०१ बजे
प्रतिक्रिया