काठमाडौं । नेकपा एमालेको दशौं राष्ट्रिय महाधिवेशन आयोजक कमिटी बैठक बालुवाटारमा शुरु भएको छ । यो बैठकबाट दशौं राष्ट्रिय महाधिवेशन आयोजक कमिटी खारेज गरी केन्द्रीय कमिटी बैठक कायम गर्ने तयारी छ। बैठकमा वरिष्ठ नेता माधवकुमार नेपालसहित कारबाही गरिएका एघार जना बाहेक सबैलाई बोलाइएको छ । तर माधव समूहका नेताहरु भने गएका छैनन् ।
नेकपा एमाले र माओवादी केन्द्रको एकता बदरबारे सर्वोच्च अदालतले गत फागुन २३ गते फैसला गरेपछि एमालेले महाधिवेशन आयोजक कमिटी गठन गरेको थियो । अध्यक्ष र महासचिवबाहेक सबै पदाधिकारीलाई सदस्यमा रुपान्तरण गरेपछि नेता माधवकुमार नेपाल पक्षका नेताहरु असन्तुष्ट रहँदैआउनुभएको छ ।
प्रकाशित मिति : १६ असार २०७८, बुधबार १२ : २८ बजे
प्रतिक्रिया