काठमाडौं । संसद् विघटनसम्बन्धी मुद्दामा कांग्रेस सभापति शेरबहादुर देउवा पक्षका वकिलहरूको बहस आज सकिएको छ । उक्त मुद्दामा बहस गर्नको लागि देउवा पक्षका वकिलहरुलाई १२ घण्टाको समय दिईएको थियो ।
प्रधानन्यायाधीश चोलेन्द्र शमशेर जबराको नेतृत्वमा रहेको संवैधानिक इजलासमा अब भोलिदेखि सरकारी वकिलहरुको बहस सुरु हुनेछ । इजलासमा प्रधानन्यायाधीश जबरासँगै न्यायाधीशहरु दीपककुमार कार्की, मीरा खड्का, ईश्वरप्रसाद खतिवडा र आनन्दमोहन भट्टराई छन् । देउवाको पक्षबाट ३६ जना अधिवक्ताहरुले बहस गरेका थिए ।
प्रकाशित मिति : १३ असार २०७८, आइतबार ४ : ३३ बजे
प्रतिक्रिया