काठमाडौं – पछिल्लो २४ घण्टामा थप २ हजार १६ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालय अनुसार गत २४ घण्टामा कुल ९ हजार ५१० जनाको परीक्षण गर्दा २ हजार १६ जनामा कोरोना भाइरसको संक्रमण पुष्टि भएको हो । उक्त अवधिमा थप ४ हजार ९१४ जना संक्रमित उपचार पश्चात निको भई घर फर्किसकेका छन् ।
हाल नेपालमा कोरोना भाइरसका सक्रिय संक्रमितहरुको संख्या ४२ हजार २४ रहेको छ ।
पछिल्लो २४ घन्टामा कोरोना संक्रमणकै कारण थप ३० जनाको मृत्यु भएको छ । हालसम्म देशभर कुल ८ हजार ९७५ जनाको कोरोनाबाट मृत्यु भइसकेको छ।
प्रकाशित मिति : १२ असार २०७८, शनिबार ५ : १३ बजे
प्रतिक्रिया