काठमाडौं – पछिल्लो २४ घण्टामा थप २ हजार २९७ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालय अनुसार गत २४ घण्टामा कुल १० हजार ९०४ जनाको परीक्षण गर्दा २ हजार २९७ जनामा कोरोना भाइरसको संक्रमण पुष्टि भएको हो । उक्त अवधिमा थप ३ हजार १३० जना संक्रमित उपचार पश्चात निको भई घर फर्किसकेका छन् ।
हाल नेपालमा कोरोना भाइरसका सक्रिय संक्रमितहरुको संख्या ५३ हजार ९४० रहेको छ ।
पछिल्लो २४ घन्टामा कोरोना संक्रमणकै कारण थप ४६ जनाको मृत्यु भएको छ । हालसम्म देशभर कुल ८ हजार ७७२ जनाको कोरोनाबाट मृत्यु भइसकेको छ।
प्रकाशित मिति : ७ असार २०७८, सोमबार ५ : ०५ बजे
प्रतिक्रिया