काठमाडौं – पछिल्लो २४ घण्टामा थप २ हजार ७६८ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालय अनुसार गत २४ घण्टामा ७ हजार ५ सय ६९ पीसीआर र ५ हजार ४ सय ६८ एन्टिजेन गरि कुल १३ हजार ३७ जनाको परीक्षण गर्दा २ हजार ७६८ जनामा कोरोना भाइरसको संक्रमण पुष्टि भएको हो । उक्त अवधिमा थप ४ हजार २० जना संक्रमित उपचार पश्चात निको भई घर फर्किसकेका छन् ।
हाल नेपालमा कोरोना भाइरसका सक्रिय संक्रमितहरुको संख्या ५९ हजार ६२४ रहेको छ ।
पछिल्लो २४ घन्टामा कोरोना संक्रमणकै कारण थप ४४ जनाको मृत्यु भएको छ । हालसम्म देशभर कुल ८ हजार ६४१ जनाको कोरोनाबाट मृत्यु भइसकेको छ।
प्रकाशित मिति : ४ असार २०७८, शुक्रबार ५ : १० बजे
प्रतिक्रिया