काठमाडौं – पछिल्लो २४ घण्टामा थप २ हजार ७४५ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालय अनुसार गत २४ घण्टामा ७ हजार ४४९ पीसीआर परीक्षण र ५ हजार ८४१ एन्टिजेन परीक्षणबाट कुल २ हजार ७४५ जनामा कोरोना भाइरसको संक्रमण पुष्टि भएको हो । उक्त अवधिमा थप ४ हजार १८७ जना संक्रमित उपचार पश्चात निको भई घर फर्किसकेका छन् ।
हाल नेपालमा कोरोना भाइरसका सक्रिय संक्रमितहरुको संख्या ६३ हजार २५७ रहेको छ ।
पछिल्लो २४ घन्टामा कोरोना संक्रमणकै कारण थप ४१ जनाको मृत्यु भएको छ । हालसम्म देशभर कुल ८ हजार ५ सय ६ जनाको कोरोनाबाट मृत्यु भइसकेको छ।
प्रकाशित मिति : १ असार २०७८, मंगलबार ५ : ४३ बजे
प्रतिक्रिया