काठमाडौं । ट्यांकर चालकलाई खोप लगाउने सम्झौता भएपछि पेट्रोलियम पदार्थ ढुवानीमा भएको अवरोध हटेको छ।
नेपाल आयल निगमले ट्यांकर चालकलाई कोरोनाविरुद्धको खोप व्यवस्था गर्ने निर्णय गरेपछि अवरोध हटेको हो ।
नेपाल आयल निगम लिमिटेडका प्रवक्ता विनितमणि उपाध्यायले आज निगम र ट्यांकर चालक संघबीच खोप उपलब्ध गराउने सहमति भएपछि अवरोध हटेको हो बताउनुभयो । उहाँका अनुसार ट्यांकर चालक र सहचालकलाई बुधबार (भोली) बाट खोप लगाइने छ।
केहि दिनदेखि ट्यांकर चालक,सहचालकले कोभिड बिरुद्धको खोप पाउनुपर्ने भन्दै माग राखेर विरोध गरिरहेका थिए।
निगमका अनुसार भैरहवामा ६ सय, विराटनगरमा ६ सय, नेपालगञ्जमा २ सय ५० र चारआलीमा ६० जना चालक र सहचालकले कोरोनाविरुद्धको खोप लगाइसकेका छन् ।
प्रकाशित मिति : १ असार २०७८, मंगलबार ४ : ५२ बजे
प्रतिक्रिया