काठमाडौँ । नेपाली काँग्रेसले पुष्पकमल दाहाल प्रचण्ड नेतृत्वको सरकारमा प्रतिपक्षमा रहेका दलहरूको बैठक बोलाएको छ । कांग्रेस सभापति शेरबहादुर देउवाले प्रतिपक्ष दलको बैठक बोलाउनुभएकाे हाे ।
मंगलबार साँझ देउवा निवास बुढानीलकण्ठमा बस्ने गरी देउवाले बैठक बोलाउनुभएकाे छ ।
कांगेसले राष्ट्रिय प्रजातन्त्र पार्टी, जनता समाजवादी नेपाल, लोकतान्त्रिक समाजवादी पार्टी, राष्ट्रिय जनमोर्चालगायत दललाई बैठकमा बोलाएको बताइएको छ ।
बैठकमा कांग्रेस र एमालेबीच नयाँ गठबन्धन बनाउने सहमति बनेपछि नयाँ सरकारमा सहभागी हुन आग्रह गरिने बताइएको छ ।
प्रकाशित मिति : १८ असार २०८१, मंगलबार १ : ४० बजे
प्रतिक्रिया