राप्रपाले पनि बोलायो आकस्मिक केन्द्रीय कार्यसम्पादन समितिको बैठक 

काठमाडौँ। संसदमा पाँचौँ ठुलो दल राप्रपाले आकस्मिक केन्द्रीय कार्यसम्पादन समितिको बैठक बोलाएको छ। सो पार्टीका प्रवक्ता मोहन श्रेष्ठका अनुसार आज दिउँसो २ बजे पार्टी केन्द्रीय कार्यालयमा बैठक बोलाइएको हो। 

‘परिवर्तित राजनीतिक परिस्थितिका सन्दर्भमा समीक्षा गर्न र पार्टीको धारणा तय गर्न राप्रपाको केन्द्रीय पदाधिकारी बैठक आज मङ्गलवार दिउँसो २ः०० बजे पार्टी केन्द्रीय कार्यालय धुम्बाराहीमा बस्ने छ श्रेष्ठले भन्नुभयो ।

एमाले – कांग्रेसबीच संविधान संशोधन लगायतका बिषयमा सहमति भएर ओली नेतृत्वमा सरकार बन्ने भएपछि राप्रपामा समेत यो सरकारमा सहभागी हुने कि नहुने भन्ने बिषयमा टुङ्गो लाग्ने छ। सो पार्टीले   निर्वाचन प्रणाली , सङ्घीयता लगायतका बिषयाम भिन्न मत राख्दै आएको छ। 

प्रकाशित मिति : १८ असार २०८१, मंगलबार  १० : ४६ बजे