काठमाडौं – नेपालमा थप २ हजार ४०७ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालय अनुसार गत २४ घण्टामा ७ हजार ५ सय १७ पीसीआर परीक्षणबाट १ हजार ६९४ र ४ हजार ८ सय ८९ एन्टिजेन परीक्षणबाट ७१३ जना गरी कुल २ हजार ४०७ जनामा कोरोना भाइरसको संक्रमण पुष्टि भएको हो । उक्त अवधिमा थप ३ हजार ९९४ जना संक्रमित उपचार पश्चात निको भई घर फर्किसकेका छन् ।
हाल नेपालमा कोरोना भाइरसका सक्रिय संक्रमितहरुको संख्या ६८ हजार ९५५ रहेको छ ।
मन्त्रालयका अनुसार काठमाडौं जिल्लामा ४८३, ललितपुरमा ११२ र भक्तपुरमा ५८ जना सङ्क्रमित थपिएका हुन् ।
पछिल्लो २४ घन्टामा कोरोना संक्रमणकै कारण थप ४६ जनाको मृत्यु भएको छ ।
प्रकाशित मिति : ३० जेष्ठ २०७८, आइतबार ४ : ५८ बजे
प्रतिक्रिया