काठमाडौं। नेकपा (एमाले) काठमाडौंको सातौं जिल्ला अधिवेशन आज शनिबारदेखि सुरु हुँदैछ ।
काठमाडौंको भृकुटीमण्डपमा आजदेखि हुने अधिवेशनको तयारी पूरा भएको एमाले काठमाडौंका अध्यक्ष दीपक निरौलाले जानकारी दिनुभयो ।
उहाँकाअनुसार अधिवेशनको उद्घाटन पार्टी अध्यक्ष तथा पूर्वप्रधानमन्त्री केपी शर्मा ओलीले गर्नुहुनेछ ।
अधिवेशनको बन्दसत्र भने आइतबार काठमाडौं बैंक्वेटमा हुनेछ । बन्दसत्र सञ्चालनका लागि एमाले पोलिटब्यूरो सदस्य आनन्द पोखरेलको नेतृत्वमा ११ सदस्यीय अध्यक्ष मण्डल चयन गरिसकेको बताइएको छ ।
अधिवेशनले जिल्लाको नयाँ नेतृत्व चयन गर्नेछ ।
प्रकाशित मिति : २६ जेष्ठ २०८१, शनिबार ७ : १९ बजे
प्रतिक्रिया