सभामुख अग्नि सापकोटाले आव्हान गरेको सर्वदलीय बैठक आज

काठमाडौं । सभामुख अग्नि प्रसाद सापकोटाले आज सर्वदलीय बैठक आव्हान गर्नुभएको छ ।

दिउँसो २ बजे संसद भवन नयाँ बानेश्वरमा बस्ने सर्वदलीय बैठकमा प्रधानमन्त्री तथा नेकपा एमालेका अध्यक्ष केपी शर्मा ओलीलाई समेत निमन्त्रणा पठाइएको सभामुखका प्रेस सल्लाहकार श्रीधर न्यौपानेले जानकारी दिनुभयो।

न्यौपानेका अनुसार यो बैठकमा सबै दलका शीर्ष नेता र पूर्वप्रधानमन्त्रीलाई बोलाइएको छ। नेतालाई पठाइएको निमन्त्रणा पत्रमा समसामयिक राजनीतिक विषयमा छलफल गर्ने भनिए पनि यो बैठकमा संसद विघटनपछि अब के कसरी अघि बढ्ने बारेमा छलफल हुने बताइएको छ। 

प्रकाशित मिति : २८ जेष्ठ २०७८, शुक्रबार  ६ : ४५ बजे