काठमाडौँ। काठमाडौँ महानगरपालिका वडा नम्बर ५ मा रहेको त्रिशक्ति क्लबले २५६८ औँ बुद्ध जयन्ती तथा क्लबको३८ औँ वार्षिक उत्सवको दिवसको अवसरमा आयोजना गरेको रक्तदान कार्यक्रम ७० जनाले रक्तदान गरेका छन् ।
क्लबले बुद्ध जयन्ती तथा ३८औँ वार्षिक उत्सवको अवसरमा बृहत् रक्तदान कार्यक्रम आयोजना गरेको थियो । त्रिशक्ति क्लब कोटा टोलमा शुक्रवार बिहान ११ बजेदेखि ४ बजेसम्म रक्तदान कार्यक्रम आयोजना गरिएको त्रिशक्ति क्लबकी अध्यक्ष मिना श्रेष्ठले बताइन्। उनले यस्तो कार्यक्रम क्लबले वार्षिक रूपमा आयोजना गर्ने बताइन् ।
क्लबले रक्तदान कार्यक्रम स्थापनाको समयदेखि नै गर्दै आएको छ । रक्तदान कार्यक्रमको प्रमुख आतिथ्यमा वडाध्यक्ष विरेन्द्र प्रजापतिले गरेका थिए ।
क्लब आयोजक रहेको रक्तदान कार्यक्रमको सह–आयोजक काठमाडौँ महानगरपालिका रहेको छ।
प्रकाशित मिति : ११ जेष्ठ २०८१, शुक्रबार २ : १० बजे
प्रतिक्रिया