काठमाडौँ । नेपाल क्रिकेट संघ(क्यान)ले सन्दीप लामिछानेलाई आगामी जुन २ देखि अमेरिका र वेस्ट इन्डिजमा हुने आईसीसी टी–२० विश्वकप २०२४ खेल्न पठाउने तयारी गरेको छ ।
उच्च अदालत पाटनबाट बलात्कार मुद्धामा सन्दीपले सफाई पाएसँगै क्यानले विश्वकप खेल्न पठाउने भएको हो ।
भोली सम्ममा निर्णय गरेर सन्दीपलाई विश्वकप खेल्न पठाउने क्यानको तयारी छ ।
आईसीसीको प्रावधान अनुसार २५ मे सम्म कुनैपनि टोलीले खेलाडी परिवर्तन गर्न सक्छन् । नेपाली टोलीले हाल वेस्ट इन्डिजमा अभ्यास गरिरहेको छ । नेपालले सन्दीपलाई पठाउदा अन्तिम १५ बाट एक खेलाडी भने बाहिर गर्नुपर्छ ।
आईसीसीको नियम अनुसार १५ खेलाडी मात्रै विश्वकप स्क्वाडमा राख्न पाइन्छ ।
प्रकाशित मिति : २ जेष्ठ २०८१, बुधबार ७ : ०८ बजे
प्रतिक्रिया