काठमाडौं । सरकारले बेपत्ता पारिएका व्यक्तिको छानबिन आयोग र सत्य निरूपण तथा मेलमिलाप आयोगमा पदाधिकारी नियुक्त गर्नका लागि सिफारिस समिति गठन गरेको छ ।
शुक्रबार सिंहदरबारमा बसेको मन्त्रिपरिषद् बैठकले पूर्वप्रधानन्यायाधीश ओमप्रकाश मिश्रको अध्यक्षतामा दुवै आयोगका अध्यक्ष एवं सदस्य सिफारिस गर्नका लागि सिफारिस समिति गठन गरेको नेपाल सरकारकी प्रवक्ता रेखा शर्माले जानकारी दिनुभयो ।
उहाँले भन्नुभयो, ‘बेपत्ता पारिएका व्यक्तिको छानबिन सत्य निरूपण तथा मेलमिलाप आयोग दुबैका अध्यक्ष सहित सदस्या नियुक्तिका लागि सिफारिस गर्न समिति गठन भएको छ । अध्यक्षमा पूर्व प्रधानन्यायाधीश ओमप्रकाश मिश्र र राष्ट्रिय मानव अधिकार आयोगको सदस्य वा आयोगले तोकेको सदस्य, रहने व्यवस्था छ । सर्वोच्च अदालतका पूर्वन्यायाधीश जगदीश शर्मा पौडेल, डा. अर्जुनकुमार कार्की र स्टेला तामाङ सदस्य रहेका छन् ।’
बैठकले सुन्तलालाई राष्ट्रिय फलको रुपमा मान्यता दिने समेत निर्णय गरेको छ ।
प्रकाशित मिति : ३० चैत्र २०८०, शुक्रबार ४ : ३२ बजे
प्रतिक्रिया