काठमाडौं । नेपाल ‘ए’ र आयरल्यान्ड वुल्भ्सबीचको टी-२० सिरिजको दोस्रो खेल आज हुँदैछ ।
टियु मैदानमा हुने यो खेल अपराहन्न १ बजेदेखि सुरु हुनेछ ।
शुक्रबार सम्पन्न सिरिजको पहिलो खेलमा आयरल्यान्डले नेपाल ‘ए’ लाई २१ रनले पराजित गरेको थियो ।
यसअघि बिहीबार हुने तालिका भएपनि वर्षाका कारण खेल हुन नसकेपछि नेपाल क्रिकेट संघ (क्यान)ले सार्वजनिक गरेको नयाँ तालिका अनुसार शुक्रबार पहिलो खेल भएको थियो ।
नयाँ तालिका अनुसार अब नेपाल ‘ए’ र आयरल्यान्ड वुल्भ्ससँग आज दोस्रो र अप्रिल १ मा तेस्रो टी-२० खेल खेल्ने छ ।
त्यसैगरी अप्रिल ३, ५ र ७ मा एकदिवसीय सिरिजका खेल्ने तालिका रहेको छ ।
टी-२० सिरिज खेल्ने नेपाली ‘ए’ टिम :
विनोद भण्डारी (कप्तान), लोकेस बम, देव खनाल, पवन सराफ, किरण ठगुन्ना, आरिफ सेख, अर्जुन घर्ति, नारायण जोशी, बशीर अहमद, रसिद खान, सागर ढकाल, विपिन खत्री, कमल सिंह ऐरी, हेमन्त धामी र विकास आग्री रहेका छन् ।
प्रकाशित मिति : १७ चैत्र २०८०, शनिबार ९ : ५९ बजे
प्रतिक्रिया