काठमाडौँ । त्रिकोणात्मक टी-२० सिरीजको फाइनलमा नेपाललाई दोस्रो झड्का लागेको छ ।
कीर्तिपुरस्थित त्रिवि अन्तर्राष्ट्रिय क्रिकेट मैदानमा टस जितेर पहिला ब्याटिङ थालेको नेपाललाई दोस्रो झड्का लागेको हो । नेपालका कप्तान रोहितकुमार पौडेल २५ रन बनाएर पभिलियन फर्किएका हुन् । पौडेल ९.२ ओभरमा नेदरल्यान्ड्सका बलर लेभिटको बलमा क्याचआउट भएका हुन् ।
यसअघि नेपालले ३.३ ओभरमा कुशल भुर्तेललाई पहिलो विकेटका रूपमा आउट भएका थिए । कुशलले १० बलमा २० रन बनाए । कुशल भान डेर गुग्टेनको बलमा पभिलियन फर्किएका थिए । नेपालका कप्तान रोहित पौडेलले पहिला ब्याटिङ रोजेपछि नेदरल्यान्ड्सले फिल्डिङ गरिरहेको छ ।
यसअघि लिग चरणको पहिलो खेलमा नेदरल्यान्ड्ससँग २ रनले पराजित भएको नेपालले दोस्रो खेलमा ६ विकेटको जित हात पारेको थियो । नेपाल घरेलु मैदानमा त्रिकोणात्मक टी-२० सिरीजको उपाधि जित्न चाहन्छ ।
प्रकाशित मिति : २२ फाल्गुन २०८०, मंगलबार १२ : १८ बजे
प्रतिक्रिया