काठमाडौं । त्रिकोणात्मक टी-२० सिरिजको पहिलो खेलमा नामिबियाविरुद्ध नेपालले टस हारेको छ ।
किर्तीपुरस्थित टीयू क्रिकेट मैदानमा टस जितेर नामिबियाका कप्तानले पहिला ब्याटिङ गर्ने निर्णय गरेका हुन् ।
नेपालले टी-२० टोलीमा केही खेलाडी परिवर्तन गरेको छ । यसअघि आईसीसी विश्वकप लिग-२ मा नपरेका अभिनाश बोहोरा, सन्दीप जोरा र विवेक यादव प्लेइङ-११ मा छन् । नामिबियाले भने लिग-२ को टोलीलाई निरन्तरता दिएको छ ।
लिग २ मा नामिबियाले नेपाललाई पहिलो खेलमा ४ विकेट र दोस्रोमा २ विकेटले हराएको थियो ।
नेपालको प्लेइङ ११
कुशल भुर्तेल, आसिफ शेख, रोहित पौडेल, कुशल मल्ल, अभिनाश बोहरा, सन्दीप जोरा, सोमपाल कामी, करण केसी, विवेक यादव, गुल्शन झा र दीपेन्द्रसिंह ऐरी ।
प्रकाशित मिति : १५ फाल्गुन २०८०, मंगलबार ११ : २७ बजे
प्रतिक्रिया