काठमाडौँ । अखिल नेपाल फुटबल संघ (एन्फा)ले वार्षिक क्यालेण्डर सार्वजनिक गरेको छ । सोमबार साधारण सभाबाट वार्षिक क्यालेण्डर सार्वजनिक गरिएको हो ।
क्यालेण्डर अनुसार यस वर्ष ए डिभिजन लिग फुटबल नहुने भएको छ । एन्फाले अर्को वर्ष ए डिभिजन लिग फुटबल हुने गरि क्यालेण्डर बनाएको छ ।
एन्फाका अनुसार ए डिभिजन लिग अर्को वर्ष पुस १२ गतेदेखि प्रस्ताव गरिएको छ । ए डिभिजन लिग पुस १२ देखि जेठ १५ गतेसम्म सञ्चालन गर्ने एन्फाले जानकारी दिएको छ ।
अर्को वर्ष हुने लिग डवल राउण्ड रोबिनका आधारमा र सप्ताहव्यापी हुनेछ । एन्फाका अनुसार शुक्रबार, शनिबार र आईबार समान दुई–दुई खेल सञ्चालन गरिनेछ ।
प्रकाशित मिति : १४ फाल्गुन २०८०, सोमबार ५ : ५६ बजे
प्रतिक्रिया