काठमाडौं । नेकपा माओवादी केन्द्र प्रधानमन्त्री केपी शर्मा ओलीले आज बोलाउनुभएको सर्वदलीय बैठकमा सहभागी नहुने भएको छ ।
प्रधानमन्त्री निवास बालुवाटारमा बोलाइएको सर्वदलीय बैठकमा नेकपा माओवादीका अध्यक्ष प्रचण्ड सहभागी नहुने उहाँको सचिवालयले जनाएको छ ।
प्रधानमन्त्रीले शुक्रवार प्रचण्डलाई टेलिफोन गरेर सर्वदलीय बैठकमा बोलाउनुभएको थियो ।
प्रतिनिधिसभामा सहभागी सबै दलका शीर्ष नेतालाई बैठकमा बोलाइएको छ । बैठकमा कांग्रेस सभापति शेरवहादुर देउवा, जनता समाजवादी पार्टीका अध्यक्ष महन्थ ठाकुर लगायतका अन्य दलका नेता सहभागी हुने बुझिएको छ ।
प्रधानमन्त्रीले कोरोना भाइरसको संक्रमण, संसदको हिउँदे अधिबेशन र समसामयिक राजनीतिक विषयमा छलफल गर्न सबै दलसँग छलफल गर्न लाग्नुभएको हो ।
प्रकाशित मिति : ४ बैशाख २०७८, शनिबार ११ : १३ बजे
प्रतिक्रिया