नक्कली भ्याट बिल प्रकरण : भाटभटेनीले २ अर्ब रुपैया कर र जरिवाना तिर्नुपर्ने पूर्ण इजलासको ठहर

काठमाडौं । भाटभटेनी डिपार्टमेन्ट स्टोरमाथि लागेकाे नक्कली भ्याट बिल बनाएर कर छलेको आरोपमा  कर निर्धारण र जरिवानालाई सर्वोच्च अदालतको पूर्ण इजलासले सदर गरेको छ ।

न्यायाधीशहरु डा. कुमार चुडाल, टेकप्रसाद ढुंगाना र बालकृष्ण ढकालको इजलासले यसअघि सर्वोच्च अदालतले गरेको फैसला सदर गरेको हो । यो फैसलासँग भाटभटेनी डिपार्टमेन्ट स्टोरले कर, जरिवाना र ब्याज बापत कम्तीमा २ अर्ब रुपैया हाराहारीको रकम राज्यकोषमा बुझाउनुपर्ने भएकाे छ ।

यो फैसलाले सर्वोच्च अदालतमा विचाराधिन करिव डेढ सय हाराहारीको संख्यामा रहेका नक्कली भ्याटबिलका मुद्दाहरुलाई समेत दिशानिर्देश गर्नेछ ।

प्रकाशित मिति : १६ माघ २०८०, मंगलबार  ५ : ०१ बजे