पाँचथर । श्रीमतीको हत्या गरी फरार रहेका तुम्वेवा गाउँपालिका–४ निवासी असफल कुरुम्वाङलाई प्रहरीले पक्राउ गरेको छ ।
जिल्ला प्रहरी कार्यालय पाँचथरका प्रहरी निरीक्षक सुमित कुश्वाहाले दिनुभएको जानकारी अनुसार उनलाई तुम्वेवा–५ पखेरे टोलबाट पक्राउ गरिएको हो ।
कुरुम्वाङले पुस २६ गते साँझ ८ः०० बजे घरायसी विवादमा मिक्लाजुङ गाउँपालिका–३ आरुबोटेस्थित माइती घरमा रहेकी ३५ वर्षीय श्रीमती गोमा फियाकको खुकुरी प्रहार गरी हत्या गरेको प्रहरीले जनाएको छ ।
तुम्वेवा–४ स्थित घरबाट ससुराली पुगेका ३५ वर्षीय कुरुम्वाङले खुकुरी प्रहार गर्दा छिमेकी महेन्द्र श्रेष्ठ र गोमाकी आमा कान्छिमाया फियाक घाइते छन् ।
प्रकाशित मिति : २८ पुस २०८०, शनिबार १० : ३७ बजे
प्रतिक्रिया