काठमाडौँ । जापानको इशिकावा प्रान्तमा सोमबार शक्तिशाली भूकम्प गएको छ । रेक्टर स्केलमा यसको तीव्रता ७.४ मापन गरिएको छ । प्रशासनले सुनामीको चेतावनी जारी गरेको छ । हाल कुनै क्षतिको खबर छैन ।
जापानी मिडिया एनएचकेका अनुसार प्रशासनले ५ मिटर (१६ फिट) अग्लो छालहरू उठ्न सक्ने बताएको छ । तटीय क्षेत्रमा बसोबास गर्ने मानिसहरूलाई सुरक्षित स्थानमा जान आग्रह गरिएको छ ।
जापानी सञ्चारमाध्यमका अनुसार फुकुसिमा आणविक प्लान्टलाई नजिकबाट नियालिरहेको छ । मार्च २०११ मा जापानमा ९ म्याग्निच्युडको भूकम्पले ठूलो सुनामी आएको थियो । जसमा उठेको सुनामीको छालले फुकुसिमा आणविक प्लान्टलाई ध्वस्त पारेको थियो ।
यसलाई वातावरणीय क्षतिको हिसाबले ठूलो घटना मानिएको छ । त्यसपछि समुद्रमा १० मिटर अग्लो छालले धेरै शहरहरूमा विनाश निम्त्यायो । जसमा करिब १६ हजार मानिसको मृत्यु भएको थियो ।
प्रकाशित मिति : १६ पुस २०८०, सोमबार २ : १७ बजे
प्रतिक्रिया