काठमाडौँ । त्रिभुवन अन्तर्राष्ट्रिय विमानस्थलबाट फेरि साढे ६ किलो सुन बरामद भएको छ ।
भन्सारबाट बाहिरिसकेपछि प्रहरीको टोलीले फेरि ६ किलो ५७५ ग्राम सुन बरामद गरेको हो ।
त्रिभुवन अन्तर्राष्ट्रिय विमानस्थल सुरक्षा प्रहरी कार्यालयका अनुसार इजिप्टका नागरिक सरिफ मोहमद लासिम सुनसहित पक्राउ परेका छन् । ‘शङ्कास्पद लागेपछि चेकजाँच गर्ने क्रममा भन्सार एरिया कटेपछि प्रहरीले उनलाई पक्राउ गरिएको हो ।
सुनसहित समातिएका इजिप्टका नागरिक फ्लाई दुबईको एफजेड ५७३ विमानमार्फत शनिवार राति ११ बजेर ५१ मिनेटमा काठमाडौँ अवतरण गरेका थिए । प्रारम्भिक जाँचका क्रममा बरामद सुन भारततर्फ नै लैजाने गरी ल्याएको हुनसक्ने देखिएको छ ।
यसअघि, दुई दिनअघि मात्रै १४ किलो सुन समातिएको थियो ।
प्रकाशित मिति : २४ मंसिर २०८०, आइतबार १० : ४५ बजे
प्रतिक्रिया