धनुषा । धनुषामा प्रहरीले कटुवा पेस्तोलसहित एक जनालाई पक्राउ गरेको छ । प्रहरीले शुक्रवार साँझ धनुषाको सबैला नगरपालिका वडा नं. ८ ठिल्ला टोल बस्ने वर्ष ५१ को रामईश्वर ठाकुरलाई एक थान कटुवा पेस्तोलसहित पक्राउ गरेको हो । ठाकुरले आफ्नै श्रीमती वर्ष ५० की रामकाशी देवी ठाकुरलाई कुटपिट गरी हतियार देखाई ज्यान मार्ने धम्की दिएको भन्ने सूचनाका आधारमा इलाका प्रहरी कार्यालय सबैलाबाट खटेको टोलीले उनलाई पक्राउ गरेको हो ।
सूचना लगत्तै ठाकुरको घर पुगेको प्रहरीको टोलीले उनको घर खानतलासी गर्दा लुकाई छिपाई राखेको अवस्थामा चालु अवस्थामा रहेको ९ इन्च लम्बाई भएको कटुवा पेस्तोल फेला पारेको थियो । कटुवा पेस्तोलसहित पक्राउ परेका ठाकुरलाई नियन्त्रणमा लिई आवश्यक अनुसन्धान कार्य भइरहेको जिल्ला प्रहरी कार्यालय धनुषाले जनाएको छ ।
प्रकाशित मिति : १६ मंसिर २०८०, शनिबार २ : २५ बजे
प्रतिक्रिया