काठमाडौं । टी-२० विश्वकपको एसिया छनोट अन्तर्गतको पहिलो खेलमा सिंगापुरले नेपाललाई १४६ रनको रक्ष्य दिएको छ ।
सोमबार बिहान त्रिवि क्रिकेट मैदानमा टस जितेर ब्याटिङ गरेको सिंगापुरले निर्धारित २० ओभरमा ९ विकेट गुमाउँदै १४५ रन बनायो ।
आजबाट सुरु भएको एसिया छनोट खेलमा घरेलु टोली नेपाल समूह ‘ए’ रहेको छ । नेपालको समूहमा सिंगापुर, ओमान र मलेसिया रहेको छ भने समूह ‘बी’ मा युएई, बहराइन, हङकङ र कुवेत रहेको छ ।
नेपालले आफ्नो दोस्रो खेल कार्तिक १४ गते मलेसियासँग र तेस्रो खेल कार्तिक १६ गते ओमानसँग खेल्ने छ ।
समूह ‘ए’ र समूह ‘बी’बाट शीर्ष दुई दुई टोली सेमिफाइनल पुग्नेछन् । फाइनल पुग्ने दुई टोलीले सन् २०२४ मा अमेरिका र वेस्ट इन्डिजमा हुने टी-२० विश्वकप खेल्न पाउनेछन् ।
प्रकाशित मिति : १३ कार्तिक २०८०, सोमबार ११ : ०५ बजे
प्रतिक्रिया