काठमाडौँ । हालै अष्ट्रेलिया पलायन भएका राष्ट्रिय फुटबलर विमल घर्तिमगरले नेपाल सुपर लिग खेल्ने भएका छन् ।
उनले सामाजिक सञ्जालमार्फत आफू नेपाल सुपर लिगमा आइकनिक प्लेयरका रूपमा सहभागी हुने जानकारी गराएका हुन् ।
विमल राष्ट्रिय फुटबल टिमबाट बिदा हुँदै गत साता अष्ट्रेलिया प्रस्थान गरेका थिए । जानुअघि उनले एनएसएलका लागि ललितपुर सिटी एफसीसँग गरेको सम्झौता रद्द गरेका थिए ।
सो क्लबले उनलाई मार्की खेलाडीका रूपमा अनुबन्ध गरेको थियो । विमलले छोडेपछि उनको स्थानमा अनन्त तामाङलाई ल्याइएको छ ।
अष्ट्रेलियाबाटै विमलले सामाजिक सञ्जालमा स्ट्याटस लेख्दै चितवन एफसीबाट खेल्ने बताएका छन् । फेरि पनि आफ्नो माटोमा खेल्ने सुवर्ण मौका दिएको भन्दै उनले क्लबलाई धन्यवाद दिएका छन् ।
प्रकाशित मिति : १५ आश्विन २०८०, सोमबार ५ : १६ बजे
प्रतिक्रिया