आन्दाेलनरत चिकित्सकहरुको प्रश्न – पेसा छाडौँ कि देश ?

काठमाडौँ । स्वास्थ्यकर्मी तथा स्वास्थ्य संस्थाको सुरक्षासम्बन्धी पहिलो संशोधन ऐन २०७८ अविलम्ब कार्यान्वयन गर्न माग राख्दै माइतीघरमा विरोध प्रदर्शन गरेका छन् । 

शृङ्खलाबद्ध रूपमा चिकित्सकमाथि भएको आक्रमणको विरुद्धमा रेसिडेन्ट डाक्टर आन्दोलित भएका हुन् ।

पोखरा लमजुङ, चितवन  हेटौँडालगायतका ठाउँमा लगातार चिकित्सकमाथि हातपात भइरहेको अवस्था कसरी काम गर्न सकिन्छ भन्ने चिकित्सकहरूको प्रश्न रहेको छ ।

यस्तै अवस्था कायम रहे देशबाट पलायन हुने अवस्था आउने उनीहरूको भनाई छ ।

चिकित्सकको सुरक्षा ग्यारेन्टी नभएसम्म काममा नफर्किने रेसिडेन्ट डाक्टरहरूले अडान लिएका छन् । उनीहरुले पेसा छाडौँ कि देश ?,डाक्टर कुट्न पाइदैन जस्ता प्लेकार्डहरु बाेकेका थिए । 

प्रकाशित मिति : ९ आश्विन २०८०, मंगलबार  १२ : ४६ बजे