काठमाडौं । नेपाल राष्ट्र बैंकले नेपालीहरुको महान चाड दशैंलाई लक्षित गर्दै नयाँ नोट वितरणको तयारी सुरु गरेको छ ।
विगतका वर्षझैँ राष्ट्र बैंकले यस वर्ष पनि प्रतिव्यक्ति १८ हजार पाँच सय रुपैयाँका दरले नयाँ नोट वितरण गर्ने तयारी गरेको हो ।
राष्ट्र बैंकले घटस्थापना आसपासका दिनदेखि नयाँ नोट वितरण गर्ने तयारीमा जुटेको छ ।
नयाँ नोट वितरणका लागि राष्ट्र बैंकले बैंकहरुमार्फत विवरण संकलन गर्ने काम गरिरहेको छ । सम्पूर्ण विवरण आएपछि राष्ट्र बैंकले आवश्यकता अनुसार नयाँ नोट वितरण गर्ने कार्यको सुरुवात गर्नेछ ।
ग्राहकहरुले नयाँ नोट राष्ट्र बैंक बाहेको अन्य बैंक तथा वित्तीय संस्थाबाट पनि प्राप्त गर्न सक्ने छन् ।
प्रकाशित मिति : ९ आश्विन २०८०, मंगलबार ९ : ०२ बजे
प्रतिक्रिया