वीरगञ्ज – पर्साको वीरगञ्जस्थित बाल सुधार गृहमा गएराती रातभर तनावग्रस्त भएको छ । बाल कैदीबन्दीले तोडफोड र प्रहरीमाथि समेत ढुंगामुढा गरेपछि तनाव भएको हो ।
गएराति करिब ८ बजे बालगृहमा रहेका बाल कैदीबन्दीहरुबीच आपसमै विवाद भएको थियो । उनीहरुबीच तनाव बढेपछि प्रहरी परिचालन गरिएको थियो । त्यसपछि झन् आक्रोशमा आएकाहरुले बाल सुधार गृहमा तोडफोड गर्नुका साथै प्रहरीमाथि ढुंगामुढा प्रहार गरेका थिए ।
आज बिहान स्थिति सामान्य भए पनि सुरक्षा सतर्कता बढाइएको प्रहरीले जनाएको छ ।
बाल सुधार गृहभित्र भएको विवाद के हो भन्ने सार्वजनिक भइसकेको छैन ।
प्रकाशित मिति : २७ भाद्र २०८०, बुधबार ९ : १७ बजे
प्रतिक्रिया