काठमाडौं । दुबईबाट मलद्वारमा लुकाएर एक यात्रुले करिब एक केजी सुन ल्याएको पाइएको छ ।
काठमाडौं प्रहरी परिसरको टोलीले त्रिभुवन अन्तर्राष्ट्रिय विमानस्थल बाहिरबाट काभ्रेका २८ वर्षीय बाबुलाल दोङलाई पक्राउ गरेको छ । प्रहरीका अनुसार दोङ सोमबार हिमालयन एयरलाइन्समार्फत दुबईबाट नेपाल आएका थिए ।
प्रहरीले विशेष सूचनाका आधारमा दोङलाई नियन्त्रणमा लिएर खानतलासी गरेको थियो । त्यसक्रममा उनको मलद्वारमा लुकाइएको अवस्थामा सुन भेटिएको हो ।
घटनाको अनुसन्धान गर्नेक्रममा प्रहरीले क्रेटा गाडी र बुलेट मोटरसाइकलसहित मंगलबार थप २ जनालाई पक्राउ गरेको छ । पक्राउ पर्नेमा काभ्रेको रोशीका ३३ वर्षीय जगत लामा र काभ्रेकै ३६ वर्षीय मिङ्मा दोर्जे स्याङ्तान रहेका छन् ।
प्रकाशित मिति : २६ भाद्र २०८०, मंगलबार ६ : ०२ बजे
प्रतिक्रिया