यस्तो छ आज फलफूल तथा तरकारीको मूल्य 

काठमाडौँ । कालीमाटी फलफूल तथा तरकारी बजार विकास समितिले आजको मूल्य सूची सार्वजनिक गरेको छ ।

समितिका अनुसार नेपाली गोलभेँडा ठुलो प्रतिकेजी ७० रुपैयाँ, भारतीय ठुलो गोलभेँडा ८०, टनेल गोलभेँडा सानो ६०, लोकल गोलभेँडा सानो ४५, घिउ सिमी लोकल ७०, काउली स्थानीय ७०, आलु रातो ५५, मुडे आलु रातो ४६, भारतीय आलु रातो ३५, लौका ७०, हरियो फर्सी  ८०, घिरौँला ६० रुपैयाँ कायम भई कारोबार भइरहेको छ ।

त्यसैगरी डल्ले च्याउ प्रतिकेजी ३५० रुपैयाँ, बन्दा लोकल ४०, गाजर ११०, मूला सेतो ७०, मूला रातो ७०, भन्टा डल्लो ८०, भन्टा लाम्चो ६०, मकै बोडी ८०, टाटे सिमी ८०, तितो करेला ८०, ब्रोकाउली २५०, कागती १४० रुपैयाँ, भिण्डी ४०, न्युरो ८० रुपैयाँ, रातो बन्दा प्रतिकेजी १८० रुपैयाँ, लोकल काँक्रो ७०, अदुवा प्रतिकेजी २५० रुपैयाँ रहेको समितिले जनाएको छ ।

समितिका अनुसार कुरिलो प्रतिकेजी ४५० रुपैयाँ, हरियो खुर्सानी अकबरे २५० रुपैयाँ, रहु माछा ३१५, छडी माछा २३५, ताजा माछा (मुंगरी) २८० रुपैयाँ कायम भई खरिद बिक्री भइरहेको छ ।

हरियो धनियाँ १५०, खुर्सानी सुकेको ४५०, नेपाली सुकेको लसुन २५०, चाइनिज लसुन २००, गुन्द्रुक प्रतिकेजी २८०, भारतीय प्याज सुकेको ७३, लसुन हरियो १८०, छ्यापी सुकेको २००, भेडे खुर्सानी ७०, तोफु ११०, पिँडालु ६०, तामा ९०, कन्य च्याउ १६०, तने बोडी प्रतिकेजी ९० रुपैयाँमा कारोबार भइरहेको छ ।

यस्तै, केरा दर्जनको १४०, अनार ३०० रुपैयाँ, नास्पाती ७०, एभोकाडो २५० रुपैयाँ, कालो अङ्गुर ४००, किवी ७००, लप्सी प्रतिकेजी ६०, रुख कटहर ४०, शरीफा २५०, फूजी स्याउ ३५०, अम्बा १२०, जुनार ३०० रुपैयाँ रहेको समितिले जनाएको छ ।

प्रकाशित मिति : ११ भाद्र २०८०, सोमबार  ११ : ०८ बजे