हेटौँडा । मकवानपुरको हेटौँडा स्थित होटलमा बसेका एक जना युवकले आफ्नै संवेदनशील अंग (लिंग) काटेर घाइते भएका छन् ।
हेटौँडा उपमहानगरपालिका–१०, बसपार्कस्थित फूलबारी होटेल एन्ड लजमा बसेका २२ वर्षाका नवीन हुमागाईँले आफ्नै संवेदनशील अंग काटेका हुन् ।
मकवानपुरगढी गाउँपालिका–७, नयाँ गाउँ स्थायी ठेगाना भएका उनले बुधवार राती १० बजेको समयमा आफ्नै संवेदनशील अंग काटेर घाइते भएको जिल्ला प्रहरी कार्यालय मकवानपुरले जनाएको छ ।
संवेदनशील अंग काटेर उपचारको लागि उनी आफै हेटौँडा अस्पताल पुगेका थिए । प्रहरीलाई बयानको क्रममा उनले आफैले आफ्नो लिंग काटेको बताएका छन् ।
हेटौँडाअस्पतालले थप उपचारकोलागि हुमागाईँलाई राति १२ बजे चितवन रिफर गरिदिएको छ ।
हाल उनको अवस्था मध्यम रहेको प्रहरीको भनाई छ ।
प्रकाशित मिति : ३२ श्रावण २०८०, बिहिबार २ : ०१ बजे
प्रतिक्रिया