काठमाडौँ । फिफा महिला विश्वकप फुटबलको सेमिफाइनलमा आज आयोजक अष्ट्रेलिया र इंग्ल्यान्डबीच प्रतिस्पर्धा हुँदै छ ।
खेल नेपाली समयअनुसार आज दिउँसो पौने ४ बजे अष्ट्रेलियाको सिड्नीमा हुँदै छ ।
क्वाटरफाइनलमा अस्ट्रेलियाले फ्रान्स तथा इंग्ल्यान्डले कोलम्बियालाई हराएका थिए ।
आजको विजेता टोलीले उपाधिका लागि स्पेनसँग खेल्नेछ । फाइनल खेल आइतबार हुनेछ ।
मङ्गलवार भएको पहिलो सेमिफाइनलमा स्विडेनलाई हराउँदै स्पेन पहिलो पटक उपाधि नजिक पुगेको छ ।
३२ राष्ट्र सहभागी महिला विश्वकप गत जुलाई २० देखि सुरु भएको हो ।
प्रकाशित मिति : ३१ श्रावण २०८०, बुधबार ७ : २९ बजे
प्रतिक्रिया