काँग्रेस संसदीय दलको बैठक आज पनि बस्दै

काठमाडौँ । नेपाली काँग्रेस संसदीय दलको बैठक आज पनि बस्दै छ । 

नयाँ बानेश्वरस्थित संसद् भवनको ल्होत्से हलमा आज बिहान ११ः०० बजे संसदीय दलको बैठक बस्नेछ ।

गत शुक्रवारदेखि जारी दलको बैठकमा राष्ट्रियसभा र प्रतिनिधिसभा सांसदहरूले बोल्ने क्रम जारी रहेको छ । सांसदहरूले बोल्ने क्रम नसकिएकाले आज पनि बैठक बस्न लागेको हो ।

बैठकमा समसामयिक राजनीति, सांसद सुनिल शर्मा पक्राउ प्रकरणदेखि सुन प्रकरणमा उच्चस्तरीय छानबिन समिति बनाउने कि नबनाउने भन्ने विषयमा छलफल भइरहेको छ ।

आइतबारसम्म ५४ जना सांसदहरूले आआफ्नो धारणा राखिसकेका छन्, आज बाँकी सदस्यहरूले आआफ्नो धारणा राख्नुहुनेछ । सबै सांसदले बोलिसकेपछि सभापति एवम् संसदीय दलका नेता शेरबहादुर देउवाले जवाफ दिनुहुने छ ।

प्रकाशित मिति : २९ श्रावण २०८०, सोमबार  ७ : ०७ बजे