काठमाडौँ – पाकिस्तानको संसद् भंग गरिएको छ । राष्ट्रपति आरिफ अल्वीले बुधबार मध्यरातमा संसद् भंग गर्नुभएको हो ।
प्रधानमन्त्री शहबाज शरिफ नेतृत्वको मन्त्रिपरिषद्को सिफारिसमा राष्ट्रपतिले संसद् भंग गर्नुभएको बीबीसीले जनाएको छ ।
संसद्को कार्यकाल सकिन तीन दिन बाँकी रहँदा संसद् भंग गरिएको हो । मन्त्रिपरिषद् पनि भंग भएको छ । तीन दिनभित्रै नयाँ कार्यवाहक प्रधानमन्त्री चयन गरिने समाचारमा उल्लेख छ ।
पाकिस्तानमा अब ९० दिनभित्र आम निर्वाचन हुनेछ ।
प्रकाशित मिति : २५ श्रावण २०८०, बिहिबार १ : ५७ बजे
प्रतिक्रिया