काठमाडौँ–देशका विभिन्न भू–भागमा आज पनि बाढीको सम्भावना रहेको छ ।
मौसम पूर्वानुमान महाशाखाका अनुसार आज डोटी, डडेलधुरा, अछाम, दोलखा, सिन्धुपाल्चोक रुकुम पूर्व, रुकुम पश्चिम तथा आसपास भएर बहने नदी तथा खोलामा बाढीको सम्भावना रहेको छ ।
यस्तै रोल्पा, दैलेख, कालिकोट, बाजुरा, बझाङ, कैलाली, कञ्चनपुर, बैतडी, दार्चुला र आसपास भई बहने केही स–साना नदीहरूमा पनि बहाव बढ्न सक्ने महाशाखाले जनाएको छ ।
आगामी तीन दिन कोसी, नारायणी, कर्णाली, महाकाली, कन्काई, कमला, बागमती, पूर्वी राप्ती, पश्चिम राप्ती, बबई र यसका प्रमुख सहायक नदीहरूमा जलसतह सामान्य रहने पूर्वानुमान रहेको महाशाखाले उल्लेख गरेको छ ।
प्रकाशित मिति : २ श्रावण २०८०, मंगलबार ९ : ५० बजे
प्रतिक्रिया