कोशी प्रदेश सरकार गठन विवादसम्बन्धी मुद्दा मंगलबार पनि हेर्न नभ्याउने सूचीमा

काठमाडौँ । कोशी प्रदेश सरकार गठन विरुद्ध सर्वोच्च अदालतमा परेको मुद्दा मंगलबार पनि हेर्न नभ्याइने सूचीमा परेको छ ।

नेकपा (एमाले) ले सर्वोच्चमा दायर गरेको रिट मंगलबार पनि हेर्न नभ्याउने हुँदै स्थगित भएको हो। मंगलबार उक्त रिटको पेसी न्यायाधीश तीलप्रसाद श्रेष्ठको इजलासमा १४औं नम्बरमा रहेको थियो ।

न्यायाधीश श्रेष्ठको इजलासले एक थान मात्र मुद्दाको सुनुवाइ गर्दै अन्य मुद्दा हेर्न नभ्याउने सूचीमा राखेर स्थगित गरेको छ । उक्त मुद्दा आइतबार र सोमबार पनि पेसी तोकिने अनि हेर्न नभ्याउने हुँदै सर्दै आएको थियो।

गत बिहीबार मुख्यमन्त्रीमा नियुक्त भएका उद्धव थापाको नियुक्ति, बदर गरी संविधानको धारा १६८ को उपधारा ३ अनुसार आफूलाई मुख्यमन्त्रीमा नियुक्त गर्न माग गर्दै निवर्तमान मुख्यमन्त्री हिक्मतकुमार कार्कीले रिट दायर गर्नुभएको थियो ।

प्रकाशित मिति : २६ असार २०८०, मंगलबार  ३ : ३३ बजे