काठमाडौँ । मनाङ एयरको हेलिकप्टर दुर्घटनामा परी ६ जनाको मृत्यु भएको छ।
मनाङ एयरको कल साइन ९एनए–एमभी भएको हेलिकोप्टर सोलुखुम्बुको लिखुपिके गाउँपालिकास्थित लाम्जुरापास क्षेत्रमामा दुर्घटना हुँदा हेलिकप्टरमा सवार ६ जनाकै मृत्यु भएको हो ।
कोशी प्रदेश प्रहरी कार्यालयका प्रमुख डिआइजी राजेशनाथ बास्तोलाले दुर्घटनामा परी हेलिकप्टर सवार ६ जनाकै मृत्यु भएको जानकारी दिए। ‘६ जनाकै शव फेला परेको छ। शवहरू जलेको अवस्थामा रहेको खबर आएको छ । पहिचान हुन सकेको छैन’, उनले भने ।
अहिले शव संकलन गर्ने काम भइरहेको बास्तोलाले बताए।
सोलुखुम्बुको सुर्केबाट विहान ९:५२ बजे काठमाडौँका लागि उडेको हेलिकप्टर १०:१ बजे सम्पर्कविहीन भएको थियो । हेलिकप्टर पाइलट चेतबहादुर गुरूङले उडाएका थिए भने बाँकि यात्रुहरू पाँचै जना मेक्सिकन नागरिक थिए।
प्रकाशित मिति : २६ असार २०८०, मंगलबार २ : ११ बजे
प्रतिक्रिया