काठमाडौं । नयाँ सरकार निर्माणबारे काँग्रेसले राखेको को प्रस्ताव प्रष्ट नभएको जनता समाजवादी पार्टीका अध्यक्ष महन्थ ठाकुरले बताउनुभएको छ ।
ठाकुरका अनुसार काँग्रेसले नयाँ सरकार निर्माणको पहल गरे पनि स्पष्टसँग छलफल नभएको बताउनुभयो ।
पछिल्लो समय चैत २७ गते काँग्रेसले सत्ता समीकरणको विषयमा नेकपा माओवादी केन्द्र र जसपासँग बैठक बसेको थियो । तर, जसपा अध्यक्ष ठाकुरले भने गठबन्धको सरकार निर्माणबारे आफूहरुको पार्टीमा कुनै तयारी नभएको जानकारी दिनुभयो ।
सरकार निर्माणबारे अहिलेको अवस्थामा जसपा न्युट्रल रहने उहाँले बताउनुभयो । अहिले संसदमा सत्तारुढ नेकपा एमालेको कोही पनि सांसदले एमाले नछोडेको पनि उहाँले बताउनुभयो । प्रधानमन्त्री ओली र गठबन्धनको सरकार दुवै बन्न नसके चुनाव अन्तिम विकल्प हुने उहाँले बताउनुभयो ।
प्रकाशित मिति : २९ चैत्र २०७७, आइतबार ५ : २० बजे
प्रतिक्रिया