काठमाडौं । एसीसी प्रिमियर कपअन्तर्गत नेपाल र यूएईबीचको फाइनल खेल स्थगित भएको छ ।
कीर्तिपुरस्थित त्रिवि मैदानमा सोमबार नेपाल र यूएईबीच भएको खेल वर्षाका कारण मंगलबारसम्मका लागि स्थगित गरिएको हो ।
सोमबार नेपालले टस जितेर फिल्डिङ रोजेपछि पहिले ब्याटिङ गरेको युएईले २७.३ ओभरमा ९ विकेटको क्षतिमा १०६ रन जोडेपछि वर्षाका कारण खेल रोकियो । तर, वर्षा नरोकिएपछि मंगलबार पुनः खेल हुनेगरी स्थगित गरिएको हो ।
नेपाल क्रिकेट संघका अनुसार खेल अब सोमबारकै स्थितिबाट मंगलबार खेल सुरु हुनेछ ।
प्रकाशित मिति : १८ बैशाख २०८०, सोमबार ४ : ०४ बजे
प्रतिक्रिया