सिन्धुली । सिन्धुलीमा आज बिहान कार दुर्घटना हुँदा दुई जनाको मृत्यु भएको छ।
आज बिहान बा ८ च ५१३५ नम्बरको कार दुर्घटना परी घाइते भएका एक जनाको सिन्धुली अस्पतालमा उपचार भइरहेको छ ।
सिन्धुली प्रहरीका प्रवक्ता तथा डिएसपी चिरञ्जीवी दाहालका अनुसार बिपी राजमार्ग अन्तरगत कमलामाई नगरपालिका– २ पिपलभन्ञ्याङमा सो कार २० मिटर तल खस्न पुगेको थियो । सो दुर्घटनापछि एक महिला र एक पुरुषको घटनास्थलमा नै मृत्यु भएको हो ।
यसरी मृत्यु हुनेमा काभ्रे पनौतीका शिवशरण होछिमर र काठमाडौँ गौरिघाटका सहारा प्रसाईँ रहेका छन् ।
प्रकाशित मिति : १७ बैशाख २०८०, आइतबार ९ : १६ बजे
प्रतिक्रिया