काठमाडौँ । नेपाल (क्रिकेट सङ्घ क्यान)ले मूलपानी मैदानले पनि एक दिवसीय (ओडिआई)मान्यता प्राप्त गरेको खुसीयालीमा केक काटेर उत्सव मनाएको छ ।
क्यानका पदाधिकारी तथा कर्मचारीहरूलाई क्यानका अध्यक्ष चतुर बहादुर चन्दले केक काटेर खुवाउँदै उत्सवको रूपमा खुसीयाली साटासाट गर्नुभएको हो ।
क्यानको मुख्यालय समेत रहेको मूल पानीको माथिल्लो मैदानले शनिवार ओमान र युएईबीचको एक दिवसीय क्रिकेट खेल आयोजना भएसँगै उक्त मैदानले अन्तर्राष्ट्रिय मान्यता पाएको हो ।
यसअघि नेपालमा एक मात्र अन्तर्राष्ट्रिय क्रिकेट मैदानको रूपमा त्रिभुवन विश्वविद्यालय क्रिकेट मैदान मात्रै रहेको थियो ।
सन २०२० मा त्रिवि खेल मैदानले ओडिआई मान्यता पाएको तीन वर्षपछि मुलपानी मैदानले पनि आजबाट सो मान्यता प्राप्त गरेको हो ।
शनिवारबाट नेपालमा अन्तर्राष्ट्रिय मान्यता प्राप्त दुई वटा क्रिकेट मैदान भएका छन् ।
प्रकाशित मिति : १७ बैशाख २०८०, आइतबार ७ : ४८ बजे
प्रतिक्रिया