हेटौँडा । बाग्मती प्रदेशका मुख्यमन्त्री शालिकराम जम्मरकट्टेलले आज विश्वासको मत लिनुहुने भएको छ ।
बुधवार विश्वासको मत लिनका लागि बैठक बोलाइएको भए पनि नेपाली काँग्रेसका सांसद अनुपस्थित हुने भएपछि स्थगित भएको बैठक आजका लागि बोलाइएको छ । बैठक अपराह्न १ः०० बजे बस्नेछ ।
नेकपा एमाले सहितको समर्थनमा मुख्यमन्त्री बन्नुभएका जम्मरकट्टेलले सङ्घीय सरकारमा गठबन्धन फेरिएपछि दोहोर्याएर विश्वासको मत लिन लाग्नुभएको हो ।
नेपाली काँग्रेस भित्र विश्वासको मत दिने नदिने बारेमा विवाद बढेपछि अन्तिम समयमा आएर बुधवार बोलाइएको बैठक स्थगित हुन पुगेको थियो । नेपाली काँग्रेसले विश्वासको मत दिने निर्णय गरेपछि आपसी सहमतिमा बुधवार बोलाइएको बैठक सारेर आजका लागि डाकिएको हो ।आजको बैठकबाट भने पुनः विश्वासको मत पाउने अपेक्षा मुख्यमन्त्री जम्मरकट्टेलले गर्नुभएको छ ।
प्रकाशित मिति : १० चैत्र २०७९, शुक्रबार ७ : १५ बजे
प्रतिक्रिया