काठमाडाैँ । आईसीसी क्रिकेट विश्वकप लिग-२ अन्तर्गत त्रिदेशीय सिरिजको अन्तिम खेलमा यूएईले दिएको ३११ रनको चुनौती पछ्याउँदै ब्याटिङ गरेको नेपालले तीन विकेट गुमाएको छ ।
त्रिवि क्रिकेट मैदानमा जवाफी ब्याटिङ गरेको नेपालले पहिलो विकेटका रूपमा आशिफ शेखलाई शून्य रनमै गुमाएको हो । जुनैद सिद्धकीको बलमा कुशल मल्ल कभर क्षेत्रमा क्याचआउट भएका छन् । उनले ५ रन बनाए । त्यसपछि अाएका कुशल मल्ल एक चाैका प्रहार गरेर जुनैद सिद्धकीको बलमा कभर क्षेत्रमा क्याचआउट हुन पुगे । उनले जम्मा ५ रन जाेड्न भ्याए। तेस्राे विकेटका रुपमा राेहित कुमार पाैडेललाई नेपालले गुमाएकाे छ । ६.५ अोभरमा आयान अफ्जल खानको बलमा उनी मिड अन क्षेत्रमा यूएईका कप्तान मोहम्मद वासिमबाट क्याचआउट भए । रोहितले १६ रन बनाए ।
यसअघि टस जितेर पहिले ब्याटिङ गरेको यूएईले निर्धारित ५० ओभरमा ६ विकेटको क्षतिमा ३१० रन बनाएपछि नेपालले विशाल लक्ष्य पाएको हो ।
प्रकाशित मिति : २ चैत्र २०७९, बिहिबार २ : १९ बजे
प्रतिक्रिया